Ona deyin..

Ona deyin ki, çox da gözəl deyil, incisə də fərq etməz.. Mən onu gözəl sevmişdim, deyin, qoy xətrinə dəysin..
Ona deyin ki, daha səninçün darıxmır.. Fikir vermisən mi, deyin, üz-üzə gələndə sən olan tərəfə baxmır. Deyin, sevinsin..
Ona deyin ki, bu qədər qaraqabaq olmasın.. Gülümsəməsi çirkin olsa da, bir vaxtlar o gülümsəməyə aşiq olan biri var idi, deyin.. Deyin, gülümsəsin..
Ona deyin ki, ölüb eləməsin, onsuz da ağlayan deyiləm.. Sonuncu göz yaşını o gedəndə tökmüşəm, hardan bilsin..