Daha

Çox şey istəmirdim, bir sən bəs idin,
Təkcə adın idi qəlbimdən keçən.
Qaranlıq qəlbimdən gələn səs idin,
Halbuki gündüzə dönmüşdü gecəm.

Nəyin qisasını alırdın axı?
De görüm mən sənə nə eyləmişdim?
Keçmişi yadıma salırdın axı!
Qəlbində olmağı çox istəmişdim..

Son dəfə gözünün içinə baxıb
Səni sevdiyimi deməli idim,
İndiysə gözümdən nə yaşlar axıb,
Hisslərimdən qaçıb, hayana gedim?

Kimə baxsam "sən" görünür gözümə,
Gözlərim səninçün darıxır yenə.
Niyə danışıram özüm özümə?
Bunları mən niyə demirəm sənə?

Danışsam, dinləsən dediklərimi,
Bəlkə sən də məni sevərsən daha.
İnanmıram kimsə tutar yerimi,
Bəlkə də qədrimi bilərsən daha..