Friday, December 6, 2013

Piano ağlayır, gecə qaralır..

piano ağlayır, gecə qaralır..
səhvlər yada düşür bir bir
səhvən yada düşür
qəsdən unudulan
hər gecə bir az da ağrılı keçir
musiqi bəhanə
şeirlər yalan..
bir qırıq ümiddi əlimdə qalan,
bir qucaq təsəlli,
bir azca zaman..

piano ağlayır, gecə qaralır..
əllərim titrəyir,
amma ki saçlarım hələ qaradır..
elə darıxıram ki,
bu qədər darıxan dəli olar..
özüm öz əlimi möhkəmcə sıxıram ki,
birdən əlinin istiliyi qalar
hardasa əlimin bir kənarında..
hardasan?
əlində arzularım var..

piano ağayır, gecə qaralır..
hər gecə gözləyirəm bilinməyəni..
buna ümid deyir kimsə..
nədənsə anlaya bilmirəm
bu böyüklükdə sevgiyə ümid deyəni..

piano ağlayır, gecə qaralır,
otaq soyuqdu..
həsrət qarışır qürura..
ürək əzab çəkir,
ürək qırıqdı..
buz parçaları toxunur barmaqlarıma..
yorğundu nəfəsim,
qəlbin soyuqluğu nəfəslə dəyir
quruyan dodaqlarıma..

piano ağlayır, gecə qaralır..
gecələr çox yoruluram..
qorxuram..
gedənin baxışı,
ölənin ardınca gözlərin yağışı
qorxulu gəlir..
yağışın yerini gecə qar alır..
piano ağlayır, gecə qaralır..

No comments:

Post a Comment