geri dönüb baxmadan
hara gedirsən belə?
gözündən yaş axmadan,
üstəlik gülər üzlə
hara gedirsən belə?
bu nə həvəsdi səndə?
dərdin nədi mənimlə?
yaşamaqdan bezəndə
mən ölürəm desəm də,
niyə gülürsən belə?
kim var axı yanında?
söylə..
yalvarıram, söylə..
bircə göz qırpımında
niyə itirsən belə?
insan nə qədər susar?
bir kəlmə gətir dilə..
axı sən bilə-bilə
səsinə həsrətim var,
niyə susursan belə?
No comments:
Post a Comment