Yer üzünü qucaqlayan üfüq var,
Quşlar uçur buludların qoynuna,
Günəş düşür təpələrin üstünə,
Sahil örtür ləpələri üstünə.
______________________________________
Başına ağ duvaq keçirib bu gün
Dalğa-dalğa gəlin köçür dul dəniz,
Balıqları qalır yetim, kimsəsiz.
______________________________________
Yuxudan doymadım, gözlərim acdı,
Hər yuxu yarımçıq ömürə döndü.
Yuvası təndirdi, qapağı sacdı,
Alışdı bəbəyi kömürə döndü.
______________________________________
Ötdüyüm yollarda əzib keçdiyim
Çiçəklər edir mi qarğış adıma?
Əyilib gözündən sular içdiyim
Bulaqlar nə tez-tez düşür yadıma.
______________________________________
No comments:
Post a Comment