Köksümün içində bir külək əsir
Səsindən ürəyim əsməcədədir,
Qorxunun izləri gövdəmi gəzir,
Zaman da səbrimi kəsməcədədir.
Canımı üşüdür söykəndiyim daş,
Yerimi dəyişsəm yıxılacağam,
Boynumun üstündə daşıdığım baş
Yük olur, dözməyib dağılacağam.
Bu soyuq, qar, boran bitmir ki bitmir,
Qış bitir, yerini qış əvəzləyir.
Yollar da bağlıdır, qatar da getmir,
Tunelin sonunda uçqun gözləyir.
No comments:
Post a Comment