bu məktubu yazıram ki,
dostlara çatdırım salam.
gəlib aparsınlar məni,
istəmirəm burda qalam.
burda günlərim yorucu,
orda yorulmaq nə gözəl,
darıxmaq zəhərdən acı,
cavab yazın, deyin ki "gəl".
burda payız soyuq olur,
orda xəzan da yoxdu heç.
pəncərəmin önü dolur
xəzəllərlə, mənsə bivec.
dostlar yoxdu burda, sanki,
mənim özüm çox da varam...
bu məktubu yazıram ki,
dostlara çatdırım salam.
No comments:
Post a Comment