bir qadının
əllərini tutmaq
yaradanın
dünyanı yaratmaq
üçün sərf etdiyindən
çox zaman alar.
ömrün boyunca getdiyindən
daha uzun yol var
qadının ürəyindən
əllərinəcən.
çiçəklərindən güllərinəcən
düzmək gərəkdir qarşısına,
aylarından fəsillərinəcən
illərin
dözmək gərəkdir
həsrətinə əllərin..
suladın mı güllərini,
öncəsində hər görüşün?
dözdün mü ağrı dolu
acı fəsillərinə?
güzgülərə bax, düşün,
layiqmisən
o qadının əllərinə?
No comments:
Post a Comment