-_-

tək sevməklə olmur bu iş
gülümsəyə bilməlisən..
dodaqlarla bitmir gülüş,
ürəyinlə gülməlisən..

həyəcandan tərləməli
zərif, pambıq ovucların.
uçub getmək istəməli
hər küləkdə saç ucların..

müəlliməm olmalısan,
öyrət gülsün üzüm necə..
yuxusuz da qalmalısan
düşünməkdən bütün gecə..

gərək buna çatsın gücün,
saxlamalı qəlbin məni..
sən bunları yaxşı düşün
bəlkə sonra sevdin məni..