Itirmişəm

Üst-üstə qalanıb neçə düşüncə
Toxunma qəlbimə, hisslərim incə
İtirdim özümü səni görüncə
Bəlkə də ağlımı itirmişəm mən..

İndi kimi görsəm səni andırır
istidən donuram, soyuq yandırır
İçdəki atəşi ruh canladırır
Ruhumu ruhunda itirmişəm mən.

Özüm özüm ilə danışmaqdayam
Başqa həyatlara qarışmaqdayam
Daha sənsizliklə barışmaqdayam
Bütün ümidləri itirmişəm mən.